أعلن الرئيس عبدالفتاح السيسي أن الحكومة تعمل حاليًا على بناء عدة محاور من شرق إلى غرب النيل كل 25 كيلو، قائلًا: “هتجد فرصة إنك تعبر من شرق إلى غرب النيل كل 25 كيلومترا”.
وأضاف السيسي، موجهًا حديثه إلى المواطنين، خلال افتتاح عدة مشروعات قومية ببني سويف: “زي ما أنا هعملك المحور ده، اللي هيوفر عليك 100 كيلو، لما آجي أحطلك محطة رسوم متضايقش، ادفع بقى، مفيش حاجة كده ببلاش، مفيش ببلاش خلاص”.
وتابع الرئيس السيسي: “أنا عاوز أقولكم دولة فيها 100 مليون عاوزة حاجات كتير قوي، أنا مش عاوز أقعد معاكم وأقولكم هنعمل وهنعمل وهنعمل، ومنعملش”، مردفًا: “كمان سنتين هنكون بدأنا في الـ6 مدن اللي إحنا بنتكلم عليهم، ولو أي حد راح مواقع العمل هيلاقيهم موجودين”.
