طالب الرئيس عبد الفتاح السيسى، ببناء هوية مصرية تستطيع أن تتفاعل وتتعامل مع الواقع وتطوره، موضحا: “الإشكاليات الموجودة فى كل الأديان مش قادرة تصدق إن اللى نزل الدين وخلق هو ربنا.. وإن اللى عمل التطور الإنسانى والعلوم الإنسانية.. ربنا”.
وأضاف الرئيس،خلال كلمه له فى ختام جلسة “استراتيجية بناء الإنسان المصرى” ضمن فعاليات المؤتمر الوطنى السادس للشباب بجامعة القاهرة:: “اللى اتعمل فى مصر واللى هيتعمل أنا والله العظيم، سواء رضيتوا بيه، ولا مارضيتوش بيه هقابل بيه ربنا، وأرجوا إنه يقبله منى”.
وتابع السيسي: “علشان كده الإنسان بيصطدم.. ومش قادر يقول أنا هخلى فهمى للنصوص أحيانا يتوافق مع الواقع الجديد اللى إحنا فيه.. إحنا عملنا عزل لأنفسنا وبقى الراجل المتدين شكل والراجل المواطن العادى شكل تانى، فى حين أن المفروض لا فرق بينهم أبدا، بالعكس كل ما هيكون فهمه الدينى مناسب هيكون سلوكياته وممارساته مع نفسه ومجتمعه مناسبة وجيدة”.
